ಕಲಬುರಗಿ: ಜಗತ್ತಿನ ಪ್ರಸಿದ್ಧ ಜ್ಯುವೆಲ್ಲರಿ ಬ್ರ್ಯಾಂಡ್ ಜೋಯಾಲುಕ್ಕಾಸ್, ಕಲಬುರಗಿ ನಗರದ ತನ್ನ ಶೋರೂಮ್ನಲ್ಲಿ ಆಗಸ್ಟ್ 16ರಿಂದ 30ರವರೆಗೆ ‘ಬ್ರಿಲಿಯನ್ಸ್ ಡೈಮಂಡ್ ಜ್ಯುವೆಲ್ಲರಿ ಶೋ’ ಆಯೋಜಿಸಿದೆ.
ವಜ್ರಾಭರಣಗಳ ಕಲಾತ್ಮಕತೆ, ಸೊಬಗು ಹಾಗೂ ನವೀನ ವಿನ್ಯಾಸಗಳ ಅಪೂರ್ವ ಸಂಭ್ರಮವಾಗಿರುವ ಈ ವಿಶೇಷ ಪ್ರದರ್ಶನದಲ್ಲಿ ವೈವಾಹಿಕ ಆಭರಣಗಳಿಂದ ಹಿಡಿದು ದೈನಂದಿನ ಬಳಕೆಗೆ ಸೂಕ್ತವಾದ ಅತ್ಯಾಧುನಿಕ ವಿನ್ಯಾಸಗಳವರೆಗೆ ವೈವಿಧ್ಯಮಯ ಸಂಗ್ರಹವನ್ನು ಪ್ರದರ್ಶಿಸಲಾಗುತ್ತಿದೆ. ಸಾಂಪ್ರದಾಯಿಕ ಕರಕುಶಲತೆಯೊಂದಿಗೆ ಆಧುನಿಕ ವಿನ್ಯಾಸದ ಸೊಗಸಾದ ಸಂಗಮವನ್ನು ಈ ಸಂಗ್ರಹ ಒಳಗೊಂಡಿದೆ.
ಪ್ರದರ್ಶನದಲ್ಲಿರುವ ಪ್ರತಿಯೊಂದು ಆಭರಣವೂ ವಿಶಿಷ್ಟ ವಿನ್ಯಾಸ, ಸೂಕ್ಷ್ಮ ಕರಕುಶಲತೆ ಹಾಗೂ ಕಾಲಾತೀತ ಸೌಂದರ್ಯವನ್ನು ಪ್ರತಿಬಿಂಬಿಸುತ್ತಿದ್ದು, ಈ ವಿಶೇಷ ಸಂಗ್ರಹ ಪ್ರದರ್ಶನದ ಅವಧಿಯಲ್ಲಿ ಮಾತ್ರ ಲಭ್ಯವಿರಲಿದೆ ಎಂದು ಸಂಸ್ಥೆ ತಿಳಿಸಿದೆ.
ಈ ಕುರಿತು ಮಾತನಾಡಿದ ಜೋಯಾಲುಕ್ಕಾಸ್ ಸಮೂಹದ ಸಿಎಂಡಿ ಡಾ. ಜೋಯ್ ಆಲುಕ್ಕಾಸ್, “ಬ್ರಿಲಿಯನ್ಸ್ ಡೈಮಂಡ್ ಜ್ಯುವೆಲ್ಲರಿ ಶೋ ನಮ್ಮ ಶ್ರೇಷ್ಠತೆಯ ಬದ್ಧತೆ, ಸೊಬಗು ಮತ್ತು ವಿಶಿಷ್ಟತೆಯನ್ನು ಸಾರುವ ಆಭರಣಗಳನ್ನು ರೂಪಿಸುವ ನಮ್ಮ ಉತ್ಸಾಹದ ಸಂಕೇತವಾಗಿದೆ. ಕರ್ನಾಟಕದ ಕಲಬುರಗಿ ನಮಗೆ ಯಾವಾಗಲೂ ವಿಶೇಷವಾಗಿದೆ. ನಮ್ಮ ಗ್ರಾಹಕರಿಗೆ ವಜ್ರಗಳ ಅತ್ಯಂತ ಆಕರ್ಷಕ ಹಾಗೂ ಪ್ರಕಾಶಮಾನವಾದ ರೂಪವನ್ನು ಅನುಭವಿಸಲು ಅವಕಾಶ ಕಲ್ಪಿಸುವ ಈ ವಿಶೇಷ ಸಂಗ್ರಹವನ್ನು ಪ್ರಸ್ತುತಪಡಿಸಲು ಸಂತೋಷವಾಗುತ್ತಿದೆ,” ಎಂದರು.
ಪ್ರದರ್ಶನದ ಅಂಗವಾಗಿ ವಿಶೇಷ ಕೊಡುಗೆಯನ್ನೂ ನೀಡಲಾಗಿದ್ದು, ₹1 ಲಕ್ಷ ಮತ್ತು ಅದಕ್ಕಿಂತ ಹೆಚ್ಚಿನ ಮೌಲ್ಯದ ವಜ್ರಾಭರಣಗಳನ್ನು ಖರೀದಿಸುವ ಗ್ರಾಹಕರಿಗೆ ಉಚಿತ ಚಿನ್ನದ ನಾಣ್ಯವನ್ನು ನೀಡಲಾಗುತ್ತದೆ ಎಂದು ಹೇಳಿದರು.
ಆಭರಣಪ್ರಿಯರಿಗೆ ವಿಶೇಷ ಅನುಭವ ನೀಡುವ ಉದ್ದೇಶದಿಂದ ಆಯೋಜಿಸಿರುವ ‘ಬ್ರಿಲಿಯನ್ಸ್ ಡೈಮಂಡ್ ಜ್ಯುವೆಲ್ಲರಿ ಶೋ’ ಆಗಸ್ಟ್ 16ರಿಂದ 30ರವರೆಗೆ ಕಲಬುರಗಿಯ ಜೋಯಾಲುಕ್ಕಾಸ್ ಶೋರೂಮ್ನಲ್ಲಿ ನಡೆಯಲಿದೆ ಎಂದು ತಿಳಿಸಿದರು.
