ಕಲಬುರಗಿ: ಜೀವಿಕಾ ಮಲ್ಟಿ-ಸ್ಪೆಷಾಲಿಟಿ ಆಸ್ಪತ್ರೆ ಮತ್ತು ರೋಟರಿ ಕ್ಲಬ್ ಆಫ್ ಗುಲ್ಬರ್ಗಾ ಸನ್ಸಿಟಿ ಸಂಯುಕ್ತ ಆಶ್ರಯದಲ್ಲಿ, ಡಾ. ರಾಜಕುಮಾರ್ ಕುಲಕರ್ಣಿ ಅವರ ನೇತೃತ್ವದಲ್ಲಿ ಹಾಗೂ ರೋಟೇರಿಯನ್ ಡಾ. ಕವಿರಾಜ್ ಮತ್ತು ಇತರ ರೋಟೇರಿಯನ್ ಸದಸ್ಯರ ಸಹಕಾರದಿಂದ ಅರ್ಥಪೂರ್ಣ ಹಾಗೂ ಪ್ರಭಾವಶೀಲ ಉಚಿತ ಆರೋಗ್ಯ ಶಿಬಿರವನ್ನು ಆಯೋಜಿಸಲಾಯಿತು.
ಈ ಶಿಬಿರವನ್ನು ಆಳಂದ ತಾಲೂಕಿನ ನರೋಣಾ ಗ್ರಾಮದಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಗ್ರಾಮೀಣ ಸಮುದಾಯಕ್ಕೆ ಉತ್ತಮ ಗುಣಮಟ್ಟದ ಆರೋಗ್ಯ ಸೇವೆಗಳನ್ನು ಒದಗಿಸುವ ಉದ್ದೇಶದಿಂದ ಸಾಮಾನ್ಯ ಆರೋಗ್ಯ ತಪಾಸಣೆ, ಶಸ್ತ್ರಚಿಕಿತ್ಸಾ ಸಲಹೆ, (ಆರ್ಥೋಪೆಡಿಕ್ಸ್) ಸೇವೆಗಳು, ಮಕ್ಕಳ ಚಿಕಿತ್ಸಾ (ಪೀಡಿಯಾಟ್ರಿಕ್ಸ್), ನೇತ್ರ ಚಿಕಿತ್ಸಾ (ಆಫ್ತಾಲ್ಮಾಲಜಿ), ಮತ್ತು ಮೂಲಭೂತ ತಪಾಸಣೆಗಳಂತಹ ಸೇವೆಗಳು ಉಚಿತವಾಗಿ ನೀಡಲಾಯಿತು.
250 ಕ್ಕೂ ಹೆಚ್ಚು ಜನರು ಈ ಶಿಬಿರದಿಂದ ಪ್ರಯೋಜನ ಪಡೆದರು. ಉಚಿತ ಔಷಧಿಗಳನ್ನು ವಿತರಿಸಲಾಯಿತು ಮತ್ತು ಹಿರಿಯ ನಾಗರಿಕರಿಗೆ ಉಚಿತ ಕಣ್ಣಿನ ಕನ್ನಡಕಗಳನ್ನು ನೀಡಲಾಯಿತು. ಗ್ರಾಮಸ್ಥರಿಗೆ ಆರೋಗ್ಯ ಜಾಗೃತಿ ಹಾಗೂ ತಡೆಗಟ್ಟುವ ಆರೈಕೆ ಕುರಿತು ವೈದ್ಯಕೀಯ ತಂಡದಿಂದ ಮಾರ್ಗದರ್ಶನ ನೀಡಲಾಯಿತು.
ಒಟ್ಟು 250 ರೋಗಿಗಳಲ್ಲಿ ಮಹಿಳೆಯೆರು 160,ಪುರುಷರು 90,ಅವರಲ್ಲಿ 70 ಹಿರಿಯ ನಾಗರಿಕರಿಕರಿಗೆ ಉಚಿತ ಕನ್ನಡಕಗಳನ್ನು ವಿತರಿಸಲಾಯಿತು. 10 ರೋಗಿಗಳನ್ನು ತನಿಖೆಗಾಗಿ ಕಳುಹಿಸಲಾಯಿತು, 10 ರೋಗಿಗಳನ್ನು ಶಸ್ತ್ರ ಚಿಕಿತ್ಸೆಗೆ ಕಳುಹಿಸಲಾಯಿತು, 15 ಮಕ್ಕಳು ರೋಗಿಗಳನ್ನು ENT, ದಂತ, ಹಾಗೂ ಮಕ್ಕಳ ವಿಭಾಗಗಳಿಗೆ ಹೆಚ್ಚಿನ ತಪಾಸಣೆಗೆ ಕಳುಹಿಸಲಾಯಿತು.
ಈ ಶಿಬಿರವನ್ನು ಯಶಸ್ವಿಯಾಗಿ ನಡೆಸಲು ಡಾ. ರಾಜಕುಮಾರ್ ಕುಲಕರ್ಣಿ, ಡಾ. ಕವಿರಾಜ್ ಎಂ., ಡಾ. ಯೋಗೇಶ್, ಡಾ. ಆಫ್ರಿನ್, ಡಾ. ಓಂಕಾರ್ ಹಾಗೂ ಕಾಶಿನಾಥ, ನಾಗವೇಣಿ, ಓಂಪ್ರಕಾಶ್, ಮಂಜುನಾಥ್, ನರ್ಸಿಂಗ್ ಸಿಬ್ಬಂದಿ ಹಾಗೂ ಎರಡೂ ಸಂಸ್ಥೆಗಳ ಇತರ ಸಹೋದ್ಯೋಗಿಗಳು ಮಹತ್ವದ ಪಾತ್ರವಹಿಸಿದರು.
