ಕಲಬುರಗಿ: ಜೂನ್ ಕೊನೆಯ ವಾರದ ರವಿವಾರ(ಜೂ.29)ದಂದು ‘ಮನ್ ಕೀ ಬಾತ್’ ನಲ್ಲಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ಅವರು ಕಲಬುರಗಿಯ ಖಡಕ್ ರೊಟ್ಟಿ ತಯಾರಿಕೆ ಬಗ್ಗೆ ಪ್ರಸ್ತಾಪ ಮಾಡಿದ್ದಾರೆ.
‘ಕಲಬುರಗಿಯ ಖಡಕ್ ರೊಟ್ಟಿ’ ಬಗ್ಗೆ ಮೋದಿ ಹೇಳಿದ್ದೇನು?
ಕರ್ನಾಟಕದ ಕಲಬುರಗಿ ಜಿಲ್ಲೆಯ ಮಹಿಳೆಯರು ಕೂಡಿಕೊಂಡು ಸ್ವಸಹಾಯ ಸಂಘದ ಮೂಲಕ ಜೋಳದ ರೊಟ್ಟಿ ಉತ್ಪಾದಿಸಿ, ರೊಟ್ಟಿಯನ್ನು ಬ್ರ್ಯಾಂಡ್ ಆಗಿ ಮಾಡಿದ್ದಾರೆ. ಕಟ್ಟಿಕೊಂಡ ಸ್ವಸಹಾಯ ಸಂಘದಲ್ಲಿ ದಿನಕ್ಕೆ 3 ಸಾವಿರಕ್ಕೂ ಹೆಚ್ಚಿನ ರೊಟ್ಟಿಗಳನ್ನು ತಯಾರಿಸುತ್ತಾರೆ. ಈ ರೊಟ್ಟಿಯು ಕೇವಲ ಆ ಪ್ರದೇಶಕ್ಕೆ ಸೀಮಿತವಾಗದೆ ಬೆಂಗಳೂರು ಸೇರಿದಂತೆ ದೇಶದ ವಿವಿಧ ನಗರಗಳಲ್ಲಿ ಕೌಂಟರ್ ಕೊಡ ತೆಗೆಯಲಾಗಿದೆ. ಕಲಬುರಗಿಯ ರೊಟ್ಟಿ ಈಗ ಅನ್ ಲೈನ್ ನಲ್ಲೂ ಆರ್ಡರ್ ಬರುತ್ತಿವೆ. ಇದರಿಂದ ಮಹಿಳೆಯರ ಆದಾಯ ಕೂಡ ಹೆಚ್ಚುತ್ತಿದೆ ಎಂದು ಮೋದಿ ಅವರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
